سوال: السلام علیکم، مفتی صاحب ! موجودہ حالات میں عام لوگوں کو مسجد میں جمعہ کی نماز ادا کرنا ممنوع ہے، تو ایسی صورت میں گھر میں جمعہ کی نماز با جماعت ادا کی جا سکتی ہے، جب کہ گھر میں بالغ مردوں کی تعداد دس ہو؟

جواب: واضح رہے کہ موجودہ وبا (کرونا وائرس) کی وجہ سے حکومت نے محدود افراد سے زیادہ لوگوں کو جمعہ اور جماعت میں شرکت سے منع کیا ہے، اگر لوگ اس کی پابندی کریں تو بہتر ہے۔
جو حضرات اس پابندی کی وجہ سے جمعہ اور جماعت میں شریک نہیں ہوں گے، وہ شرعاً معذور ہیں، ایسے لوگ اپنی اپنی جگہوں پر حتی الامکان جماعت کے ساتھ، ورنہ انفرادی طور پر ظہر کی نماز ادا کریں، البتہ کچھ لوگ ظہر کے بجائے جمعہ کی نماز پڑھ لی تو ان کی نماز ادا ہوجائے گی اور دوبارہ ظہر پڑھنے کی ضرورت نہیں ہے۔