سوال: السلام علیکم، مفتی صاحب ! اب میری عمر بانوے سال ہو گئی ہے، اب بیمار بھی رہتا ہوں اور بہت سے روزے بھی ذمہ میں لازم ہیں، تو براہ کرم رہنمائی فرمائیں کہ ان روزوں کا پیسوں یا اناج کے حساب سےکیا کفارہ ہو گا؟

جواب: واضح رہے اگر کوئی شخص عمر کی زیادتی کی وجہ سے روزہ رکھنے کی طاقت نہ رکھتا ہو، تو ایسی حالت میں قضاء روزوں کا فدیہ دینا درست ہے۔
ایک روزے کا فدیہ ایک صدقۃ الفطر کے برابر ہے، یعنی ہر روزے کے بدلے پونے دو کلو گندم یا اس کی موجودہ قیمت ہے، جو کسی مستحق زکوٰۃ شخص کو دیدی جائے۔
تاہم اگر فدیہ ادا کرنے کے بعد روزہ رکھنے پر قدرت حاصل ہو گئی، تو ایسی صورت میں روزے قضاء کرنا ضروری ہوں گے اور ادا کیا گیا فدیہ نفلی صدقہ شمار ہوگا۔