سوال:
السلام علیکم، مفتی صاحب ! کیا حمل کا بھی صدقہ فطر دینا ہوتا ہے؟
جواب: واضح رہے کہ صدقۃ الفطر اس شخص پر واجب ہوتا ہے، جو عید الفطر کی صبح صادق کے وقت موجود ہو، لہذا اگر عید کی صبح صادق سے پہلے پہلے بچے کی ولادت ہو گئی، تو اس کی طرف سے صدقۃ الفطر ادا کیا جائے گا اور اگر عید الفطر کی صبح صادق تک بچے کی ولادت نہ ہوئی ہو، تو اس کی طرف سے صدقۃ الفطر ادا کرنا واجب نہیں ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔
دلائل:
مختصر القدوري: (کتاب الزکوٰۃ، ص: 218، ط: إدارة القرآن و العلوم الإسلامية)
"ووجوب الفطرة يتعلق بالفجر الثاني من يوم الفطر، فمن مات قبل ذلك لم تجب فطرته، ومن أسلم أو ولد بعد طلوع الفجر لم تجب فطرته".
واللہ تعالٰی اعلم بالصواب
دارالافتاء الاخلاص،کراچی