سوال:
السلام علیکم، مفتی صاحب ! میں جب چیک کرتی ہوں تو قبلہ تھوڑا سا ٹیڑھا آتا ہے، جب کہ میرے گھر سے ایک دو گلی کے بعد ایک مسجد ہے جہاں لوگ ایک دم سیدھی سمت میں نماز پڑھتے ہیں، براہ کرم رہنمائی فرمائیں کہ میں کس کی پیروی کروں؟
جواب: گھر میں قبلہ کی سمت متعین کرنے کے لیے قریب کی مساجد کے قبلہ کی سمت کو معیار بنا سکتے ہیں، لیکن اگر قریب میں مسجد نہ ہو، تو بازار میں جو قبلہ نما "compass" دستیاب ہیں، ان میں سے جس کا نتیجہ بالکل درست آتا ہے، اس سے بھی سمت قبلہ کی تعیین میں مدد لی جا سکتی ہے، اسی طرح آج کل موبائلوں میں بھی سمت قبلہ کی باقاعدہ "Apps" موجود ہیں جو عام طور پر درست نتیجہ دیتی ہیں، ان سے بھی مدد لی جا سکتی ہے۔
واللہ تعالٰی اعلم بالصواب
دارالافتاء الاخلاص،کراچی