سوال: السلام علیکم، مفتی صاحب! اگر کوئی شخص نماز پڑھ رہا ہو اور دروازے پر کوئی دستک دے اور گھر میں نمازی کے علاوہ کوئی دوسرا شخص ایسا نہ ہو کہ جو دروازہ کھول دے تو کیا اس صورت میں نماز توڑ کر دروازہ کھول سکتے ہیں یا نہیں؟

جواب: واضح رہے کہ بغیر کسی ضرورت کے محض دروازے کی دستک سن کر نماز توڑنا درست نہیں ہے، البتہ اگر کوئی ایسی شدید ضرورت پیش آجائے، جس کے نقصان کی تلافی ممکن نہ ہو تو اس صورت میں نماز توڑنا جائز ہے۔