سوال:
مفتی صاحب! بعض لوگوں کی عادت ہوتی ہے کہ نماز پڑھتے وقت اپنے کپڑے درست کرتے رہتے ہیں، کیا دوران نماز کپڑے درست کرسکتے ہیں؟
جواب: واضح رہے کہ نماز کے دوران کپڑے سے کھیلنا مکروہ ہے، البتہ ضرورت کے وقت عمل کثیر سے بچتے ہوئے اپنے کپڑے کو درست کرنے کی گنجائش ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔
دلائل:
رد المحتار: (باب ما یفسد الصلاۃ و مایکرہ فیھا، 640/1، ط: سعید)
وکرہ کفہ أي رفعہ ولو لتراب کمشمر کَمٍّ أو ذیل وعبثہ بہ أي بالثوب أوبجسدہ للنہي إلا لحاجۃ کحک بدنہ لشيء أکلہ وأضرہ وسلت عرق یؤلمہ ویشغل قبلہ وہذا لوبدون عمل کثیر۔
واللہ تعالٰی اعلم بالصواب
دارالافتاء الاخلاص،کراچی