سوال:
مفتی صاحب! اگر کوئی شخص نماز پڑھ رہا ہو اور نماز کے دوران اس کے سامنے کوئی تحریر لکھی ہوئی ہو، جس کو پڑھ لے تو کیا اس صورت میں نماز ٹوٹ جائے گی یا نہیں؟
جواب: سوال میں پوچھی گئی صورت میں اگر نمازی وہ تحریر زبان سے پڑھ لے تو اس کی نماز فاسد ہو جائے گی،لیکن اگر صرف دل ہی دل میں پڑھے تو اس سے نماز فاسد نہیں ہوتی،البتہ جان بوجھ کردل ہی دل میں تحریر پڑھنا اور اس کا مفہوم سمجھنا مکروہ ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔
دلائل:
الدر المختار مع رد المحتار: (باب مایفسد الصلوٰۃ و ما یکرہ فیھا، 593/1)
ولا یفسد ھا نظرہ الی مکتوب وفھمہ ) ولو مستفھما وان کرہ
(قولہ ولو مستفھما ) اشاربہ الی نفی ما قیل انہ لو مستفھما تفسد عند محمد قال فی البحر والصحیح عدمہ اتفاقاً لعدم الفعل منہ… الخ (قولہ وان کرہ ) ای لا شتغالہ بما لیس من اعمال الصلوٰۃ واما لو وقع علیہ نظرہ بلا قصد وفھمہ فلا یکرہ
واللہ تعالٰی اعلم بالصواب
دارالافتاء الاخلاص،کراچی