سوال: مفتی صاحب! میری بیوی الحمدللہ پانچوں فرض نمازیں پابندی سے پڑھتی ہے، وہ پوچھ رہی تھی کہ کیا وہ پانچوں فرض نمازوں سے پہلے تحیّة الوضو پڑھ سکتی ہے؟

جواب: واضح رہے کہ تحیّة الوضو کا حکم مرد اور عورت دونوں کے لیے یکساں ہے، ظہر، عصر اور عشاء کی فرض نمازوں سے پہلے تحیۃ الوضو پڑھنا شرعاً درست ہے، صبح صادق سے لے کر نمازِ فجر تک فجر کی سنتوں کے علاوہ باقی تمام نوافل پڑھنا شرعاً ممنوع ہے، اور مغرب کی نماز چونکہ جلدی پڑھنے کا حکم ہے، لہذا مغرب کی نماز سے پہلے تحیۃ الوضو پڑھنا مناسب نہیں ہے، اس لیے نہ پڑھی جائے۔