سوال: لوگوں میں آج کل یہ رسم ہے کہ دولہا شبِ زفاف میں دو رکعت نماز ادا کرتا ہے، تو کیا شبِ زفاف میں دولہا کا دو رکعت نماز ادا کرنا درست ہے؟

جواب: حدیث میں آتا ہے کہ ایک شخص عبد اللہ ابن مسعود رضی اللہ عنہ کے پاس آیا اور کہا کہ میں نے ایک کنواری لڑکی سے نکاح کیا ہے، مجھے ڈر ہے کہ کہیں وہ مجھے ناپسند نہ کرنے لگے تو آپ رضی اللہ عنہ نے فرمایا: ’’الفت اللہ کی طرف سے ہوتی ہے اور بغض شیطان کی جانب سے ہوتا ہے، تاکہ جو چیز اللہ تعالی نے تیرے لئے حلال کی ہے، وہ تجھے ناپسند ہونے لگ جائے، جب تو (شبِ زفاف میں بیوی کے پاس) داخل ہو تو اس کو حکم کر کہ وہ تیرے پیچھے دورکعت نماز پڑھے۔
اس حدیث سے معلوم ہوا کہ شبِ زفاف میں دولہا اور دلہن کا ازدواجی تعلق قائم کرنے سے پہلے دو رکعت نفل نماز پڑھنا مستحب ہے۔