سوال: ہم لوگ فیکٹری میں کام کرتے ہیں، اور یہ فیکڑی ویران جگہ واقع ہے، قریب میں نہ کوئی مسجد ہے، اور نہ ہی کسی مسجد کی اذان کی آواز آتی ہے، ہم لوگوں نے فیکڑی ہی میں نماز کے لئے ایک جگہ مخصوص کرلی ہے، جہاں سب اپنی اپنی تنہا نماز ادا کرلیتے ہیں، ہم میں سے نہ کوئی زیادہ علم رکھتا ہے اور نہ کسی کی داڑھی ہے، لیکن جماعت کروانا چاہیں، تو کرواسکتے ہیں، آپ سے پوچھنا یہ ہے کہ کیا اذان دیے بغیر جماعت سے نماز پڑھنا درست ہے، اور کیا داڑھی منڈے کو امام بنا کر اس کی اقتداء جائز ہے؟

جواب: اذان اور اقامت کہنا جماعت کی سنت ہے، لہذا اذان اور اقامت کہہ کر جماعت کھڑی کرنی چاہیے، اور داڑھی منڈے شخص کو امام بنا کر اس کی اقتداء میں نماز ادا کرنا مکروہ ہے، لیکن تنہا نماز پڑھنے سے بہتر ہے کہ اذان اور اقامت کہنے کے بعد داڑھی منڈے کو امام بنا کر اس کی اقتداء میں فرض نماز جماعت سے ادا کرلی جائے۔