سوال: مفتی صاحب ! عشاء کی نماز کے دوران تیسری رکعت میں امام صاحب آہستہ آہستہ پیچھے آنے لگے، پہلی صف سے ایک مقتدی آگے ہو گئے اور انہوں نے باقی نماز کی امامت مکمل کی، امام صاحب نماز چھوڑ کر چلے گئے، ایسی نماز کا کیا حکم ہے؟ جزاک اللہ خیرا

جواب: دوران نماز امام کے وضو ٹوٹ جانے پر کسی مقتدی کو خلیفہ یعنی امام بنائے یا کوئی مقتدی خود سے آگے بڑھ کر امامت کی نیت کرلے، قبل اس کے کہ امام مسجد سے باہر نہ نکلا ہو، تو اس طرح سے پڑھی گئی نماز درست ہے۔
لہذا صورت مسئولہ میں امام کا وضو ٹوٹ جانے کی وجہ سے خلیفہ یعنی مقتدی کی پڑھائی گئی نماز درست ہے۔