سوال: مفتی صاحب ! اگر کھانے پینے کی چیز میں مکھی گر جائے تو کیا حکم ہے؟ جبکہ اس حوالہ سے ایک بات بہت مشہور ہے کہ مکھی چائے میں گر جائے، تو پوری ڈبو کر نکال لو، اور پھر پی لو، کیونکہ یہ سنت ہے۔ کیا یہ صحیح بات ہے؟ اگر ایسا کرنے سے کراہیت محسوس ہو، تو پھر کیا کرنا چاہیے؟

جواب: جی ! مذکورہ بات حدیث میں موجود ہے، البتہ آپ ﷺ نے مکھی کو چائے، سالن اور پانی وغیرہ کے اندر جو ڈبو کر نکالنے کا حکم دیا ہے، یہ آپﷺ نے بطورِ شفقت کے فرمایا ہے کہ اگر کسی کو پینا ہی ہو، تو وہ پوری مکھی ڈبونے کے بعد پی لے، لہذا اگر کسی کی طبیعت کو کراہت ہوتی ہے اور وہ نہیں پینا چاہتا، تو اس پر کوئی گناہ نہیں ہے اور نہ شریعت نے اس کو اس پینے پر مجبور کیا ہے۔