سوال: مفتی صاحب ! کیا کسی کی دعوت پر نفلی روزہ توڑا جا سکتا ہے؟ اگر توڑا جا سکتا ہے تو اس دعوت کی نوعیت کیا ہو؟ اور کیا روزہ توڑنے کے بعد اس کا کفارہ بھی ادا کرنا ہوگا؟

جواب: نفل روزہ شروع کرنے کے بعد واجب ہوجاتا ہے، لہذا بغیر کسی شدید عذر کے نفل روزہ توڑنا جائز نہیں ہے، اگر کوئی عذر ہو، تو اس وقت روزہ توڑنے کی اجازت ہوگی۔
واضح رہے کہ اگر کسی شخص نےکھانے کی دعوت دی ہو، اور مہمان کی دعوت میں شرکت نہ کرنے کی وجہ سے میزبان کی دل شکنی ہوتی ہو، تو ایسی صورت میں مہمان کیلیے نفل روزہ توڑنے کی اجازت ہے، لیکن بعد میں اس روزے کی صرف قضا کرنا واجب ہوگا، کفارہ اس صورت میں لازم نہیں ہے۔