سوال: مفتی صاحب! اکثر گھروں میں لوگ دیوار پر آیت الکرسی یا اور دوسری قرآنی آیات وغیرہ کا فریم لٹکاتے ہیں، کیا اس طرح قرآن کریم کی آیات کو دیوار پر لٹکانا درست ہے؟

جواب: قرآن کریم کا ادب و احترام ہر مسلمان پر لازم ہے، اس لئے ایک مسلمان کو ہر اس کام سے بچنا چاہیے جس میں قرآن کریم کی بے ادبی ہو، لہذا اگر بے ادبی کا احتمال نہ ہو، تو برکت کے لیے گھر کی دیوار پر قرآنی آیات کو لٹکانا جائز ہے، لیکن اگر کہیں بے ادبی کا احتمال ہو، تو وہاں قرآنی آیات کو لٹکانے سے گریز کرنا چاہیے۔