سوال:
مفتی صاحب ! Corona virus کے بعد اب تمام مساجد میں صفوں کے درمیان فاصلے ختم ہوگئے ہیں اور ما سک کا استعمال بھی ختم ہوگیا ہے، مگر ہمارے دفتر کی مسجد میں ابھی تک دونوں چیزوں کی پابندی ہے، جس کی وجہ سے کچھ لوگوں کی مغرب کی جماعت نکل جاتی ہے اور دوسرا یہ کہ کچھ لوگ اب بھی تمام نمازیں احتیاط کی بنا پر مسجد کی جماعت کے بجائے اپنے کمرے میں ادا کررہے ہیں۔ دونوں صورتوں میں کون گنہگار ہورہا ہے؟ زرا رہنمائی فرمادیں۔ جزاکم اللہ خیراً کثیرا
جواب: مذکورہ صورت میں جس عذر کی وجہ سے دوران نماز ماسک پہننے کی گنجائش دی گئی تھی٬ جن علاقوں وہ عذر باقی ہو٬ تو وہاں گنجائش بھی برقرار رہے گی٬ اور جہاں عذر ختم ہوگیا ہو٬ وہاں بلا عذر دوران نماز چہرے پر ماسک پہننا مکروہ ہوگا٬ نیز نماز باجماعت کے دوران صفوں میں فاصلہ رکھنے اور گھروں میں نماز پڑھنے کا بھی وہی حکم ہوگا کہ اگر عذر موجود ہو٬ تو اس کی گنجائش ہوگی٬ ورنہ نہیں.
و اللہ تعالٰی اعلم بالصواب
دارالافتاء الاخلاص،کراچی