سوال: مفتی صاحب! میں سمندری جہاز میں کام کرتا ہوں، بسا اوقات ہم جمعہ یا عیدین کے دن سمندر کے بیچ میں سفر کر رہے ہوتے ہیں، اور کہیں ٹھہر کر ہم مذکورہ نمازیں نہیں پڑھ سکتے ہیں، کیا ہم جمعہ اور عیدین کی نمازیں بحری جہاز میں پڑھ سکتے ہیں؟

جواب: واضح رہے کہ جمعہ اور عیدین کی نماز صحیح ہونے کے لیے شرط یہ ہے کہ وہ قصبہ، بڑے گاؤں یا شہر میں ادا کی جائے، جبکہ جہاز بحری ہو یا ہوائی ہو، قصبہ، بڑا گاؤں یا شہر نہیں ہے، لہذا جمعہ اور عیدین کی نماز بحری یا ہوائی جہاز میں پڑھنا درست نہیں ہے۔