سوال:
مفتی صاحب! پوچھنا یہ ہے کہ اگر کسی کی جماعت فوت ہوجائے، تو وہ فرض نماز کہاں ادا کرے، مسجد میں ہی ادا کرے یا گھر میں ادا کرے؟
جواب: اگر کسی شخص کی جماعت سے نماز چھوٹ جائے، اور اسے کسی دوسری مسجد میں بھی جماعت ملنے کی امید نہیں ہے، تو ایسی صورت میں اگر مسجد کے باہر کوئی ایسی جگہ ہے، جہاں جماعت ہوسکتی ہو، تو مسجد سے باہر جماعت کرلینا بہتر ہے، ورنہ مسجد ہی میں تنہا فرض نماز ادا کرنا بہتر ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔
دلائل:
رد المحتار: (553/1، ط: سعید)
ولنا انه عليه السلام كان خرج ليصلح بين قوم فعاد الى المسجد وقد صلی اهل المسجد فرجع الى منزله فجمع اهله وصلی
بدائع الصنائع: (156/1، ط: سعید)
واما بیان ما يفعله بعد فوات الجماعة فلا خلاف في انه اذا فاتته الجماعة لا يجب عليه الطلب في مسجد آخر لكنه كيف يصنع ذكر في الاصل انه اذ فاته الجماعة في مسجد حيه فان اتی مسجد آخر يرجوا ادراك الجماعة فيه فحسن وان صلی فی مسجد حيه فحسن۔۔۔الخ
واللہ تعالٰی اعلم بالصواب
دارالافتاء الاخلاص،کراچی