سوال: اگر کوئی امام بھولے سے جنابت کی حالت میں نماز پڑھادے، پھر اسے یاد آئے کہ اس نے ناپاکی کی حالت میں نماز پڑھادی ہے، تو اس صورت میں کیا حکم ہے؟

جواب: اگر کوئی امام جنابت کی حالت میں نماز پڑھادے، تو اس صورت میں امام اور مقتدی دونوں کی نماز ادا نہیں ہوگی، اور دونوں پر اس نماز کو دھرانا ضروری ہے، امام کو چاہیے کہ وہ مقتدیوں کو انفرادی طور پر بتادے، یا کسی نماز میں اعلان کردے کہ فلاں دن، فلاں نماز جن لوگوں نے میرے پیچھے پڑھی ہے، اس نماز کو وہ لوگ دھرالیں، تاہم جن مقتدیوں کو مذکورہ بات معلوم نہ ہوسکے، وہ معذور شمار ہوں گے۔