سوال: سر براہ فرانس کی اہانت کی خاطر اس کی تصویر کشی کرکے یا تو اس کے مورتی بنانا جائز ہے یا نہیں؟ براہ کرم اجابت سے نوازیں۔

جواب: واضح رہے کہ بلا ضرورت شرعی جاندار کی تصویر بنانا٬ ناجائز اور حرام ہے٬ احادیث مبارکہ میں اس پر سخت وعیدیں آئی ہیں٬ البتہ شدید ضرورت کے موقعے پر اس کی گنجائش دی جاتی ہے٬ لیکن سوال میں ذکر کردہ صورت ضرورت کے اس درجے میں نہیں آتی کہ اس کی وجہ سے تصویر بنانے کی گنجائش ہو٬ کیونکہ فرانس کی طرف سے جاری کردہ گستاخانہ خاکوں کے خلاف دیگر موثر ذرائع (مثلاً: مصنوعات کا بائیکاٹ وغیرہ) کے ذریعے احتجاج ریکارڈ کرایا جاسکتا ہے۔
لہذا اس مقصد کی خاطر کسی پائیدار چیز پر جاندار کی تصویر یا مورتی بنانا جائز نہیں۔