سوال: آج کل لوگ لنڈے کے کپڑے خریدتے ہیں اور آپ کو معلوم ہوگا کہ یہ کپڑے باہر غیر مسلم ممالک سے آتے ہیں، سوال یہ تھا کہ کیا ہم ان کپڑوں کو دھوئے بغیر پہن کر نماز پڑھ سکتے ہیں یا ان کپڑوں میں نماز پڑھنے کے لیے ان کو دھونا ضروری ہے؟

جواب: لنڈے کے کپڑے چونکہ غیر مسلم ممالک سے درآمد کیے جاتے ہیں اور یہ عام طور پر غیر مسلموں کے استعمال کردہ کپڑے ہوتے ہیں، چونکہ وہ لوگ پاکی کا لحاظ نہیں رکھتے، لہذا ان کپڑوں کو پہننے سے پہلے دھو لینا بہتر ہے، لیکن شلوار، پتلون، پاجامہ وغیرہ کو دھوئے بغیر ان میں نماز پڑھنا مکروہ ہے، کیونکہ غیر مسلم استنجا اور ہمبستری کے بعد شرعی اصولوں کے مطابق پاکی کا اہتمام نہیں کرتے، البتہ اگر ان کپڑوں کے ناپاک ہونے کا یقین یا ظن غالب ہو تو ان کو استعمال سے پہلے پاک کرنا ضروری ہوگا۔