سوال:
مفتی صاحب! مجھے میرے دوست نے ایک سلا ہوا سوٹ تحفہ میں دیا ہے، لیکن اس کی کل آمدنی حرام ہے، کیا میں اس سوٹ کو پہن کے نماز پڑھ سکتا ہوں؟
جواب: واضح رہے کہ حرام آمدنی سے خریدے گئے کپڑے پہن کر نماز پڑھنا مکروہ ہے، البتہ اسے پہن کر نماز کراہت کے ساتھ ادا ہوجاتی ہے، تاہم آپ ان کپڑوں میں نماز پڑھنے سے اجتناب کریں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔
دلائل:
حاشیة الطحطاوی علی مراقی الفلاح: (ص: 211، ط: دار الکتب العلمیة)
والثوب الحرير والمغصوب وأرض الغير تصح فيها الصلاة مع الكراهة
قوله: "مع الكراهة" أي التحريمية ذكره السيد وفي السراج والقهستاني تكره الصلاة في الثوب الحرير والثوب المغصوب وإن صحت
واللہ تعالٰی اعلم بالصواب
دارالافتاء الاخلاص،کراچی