سوال:
مفتی صاحب! میری رانوں پر کافی بال اگ آئے ہیں، کیا میں بلیڈ وغیرہ کے ذریعے خود یا نائی سے رانوں کے بال صاف کرواسکتا ہوں؟
جواب: اگر کوئی شخص رانوں کے بال خود صاف کرنا چاہے، تو اس کی گنجائش ہے، لیکن اپنا ستر کھول کر دوسرے شخص سے رانوں کے بال صاف کروانا جائز نہیں ہے، البتہ بہتر یہ ہے کہ خود بھی رانوں کے بال صاف نہ کرے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔
دلائل:
مشکوٰۃ المصابیح: (934/2، ط: المکتب الاسلامی)
وعن محمد بن جحش قال: مر رسول الله صلى الله عليه وسلم على معمر وفخذه مكشوفتان قال: «يا معمر غط فخذيك فإن الفخذين عورة» .
رد المحتار: (407/6، ط: دار الفکر)
وفي حلق شعر الصدر والظهر ترك الأدب كذا في القنية اه ط
واللہ تعالٰی اعلم بالصواب
دارالافتاء الاخلاص،کراچی