سوال: السلام علیکم، مفتی صاحب! میں نے دو علماء کی تقریریں سنیں، جن میں وہ یہ بتا رہے تھے کہ نماز کا چھوڑ دینا زنا، رشوت کھانے، قتل کرنے وغیرہ سے بڑا جرم ہے۔ آپ تھوڑی سے وضاحت کر دیں کہ یہ بات ٹھیک ہے یا نہیں؟

جواب: تمام ائمہ کرام کا اتفاق ہے کہ فرض نماز جان بوجھ کر چھوڑنا بہت بڑا گناہ ہے، حدیث شریف میں نماز کو کفر و ایمان کے درمیان حدِ فاصل بتلایا گیا ہے ،حتی کہ بعض ائمہ نماز چھوڑنے والے کی تکفیر کے بھی قائل ہیں۔
اس کی بنا پر ہم یہ کہہ سکتے ہیں کہ نماز کا چھوڑنا کبائر میں سب سے بڑا گناہ ہے۔