سوال:
حضرت میرا سوال یہ تھا کہ میری زکوۃ کی تاریخ 5 ربیع الاول کی تھی اب جب کہ میرے پاس ساڑھے باون تولے چاندی کی مقدار کے برابر پیسے نہیں بچتے تو کیا مجھے اس تاریخ کو زکوۃ اداکرنا ہوگی یا اب پھر سے جب زکوۃ کا مصارف بنا تو اس کے بعد پھر سال گذرنے کے بعد ادا کرنا ہو گی یا ابھی جو رقم ہے اس کی زکوۃ نکال دیں اور تاریخ یہ ہی رکھ دیں؟ رہنمائی فرمائیں۔ جزاک الله
جواب: واضح رہے کہ فرضیّتِ زکوٰۃ کے لیے سال کے اختتام پر یعنی جس تاریخ کو زکوٰۃ کا سال پورا ہو رہا ہو، اس تاریخ کو مکمل نصاب کا مالک ہونا ضروری ہے، لہٰذا اگر آپ کے پاس سال کے اختتام پر نصاب سے کم مال ہو تو اس سال کی زکوٰۃ آپ پر فرض نہیں ہوگی۔ اس کے بعد جب آپ دوبارہ صاحبِ نصاب بنیں گے، اسی دن سے آپ کے نئے سال کا آغاز ہوگا اور ایک سال مکمل ہونے پر زکوٰۃ فرض ہوگی اور آئندہ زکوة کے لیے آپ کی یہی تاریخ مقرر ہوجائے گی۔
۔۔۔۔۔۔۔۔۔۔۔۔۔۔۔۔۔۔۔
دلائل:
*المبسوط للسرخسي: (3/ 29، ط: دار المعرفة)*
(قال) ولو أن رجلا له مائتا درهم فضاع نصفها قبل كمال الحول بيوم ثم أفاد مائة فتم الحول وعنده مائتا درهم فعليه الزكاة؛ لأن المعتبر كمال النصاب في آخر الحول مع بقاء شيء منه في خلال الحول وقد وجد والمستفاد لو كان قبل هلاك بعض النصاب كان مضمونا إلى النصاب لعلة المجانسة فكذلك بعد هلاك بعض النصاب لبقاء حكم الحول في الموضعين فإن تم الحول ولم يستفد هذه المائة ثم مضت السنة الثانية إلا يوما ثم استفاد مائة ثم تم الحول فلا شيء عليه في الحولين لأنه تم الحول الأول وماله دون النصاب فلم تلزمه الزكاة ولم ينعقد الحول الثاني على ماله لنقصان النصاب في أول هذا الحول، وإنما استفاد المائة وليس على ماله حول ينعقد فلا تلزمه الزكاة ولكن ينعقد الحول من حين استفاد المائة لأنه تم نصابه الآن فإذا تم الحول من هذا الوقت زكى المائتين.
واللہ تعالٰی اعلم بالصواب
دارالافتاء الاخلاص،کراچی