سوال:
حضرت! بالوں میں تیل لگانے کا سنت طریقہ بیان فرما دیں۔ جزاک اللہ خیرا
جواب: بالوں میں تیل لگانا اور ان کی صفائی ستھرائی کا خیال رکھنا آپ ﷺ کی سنت ہے، البتہ تیل لگانے کا کوئی لگا بندھا طریقہ صحیح روایتوں میں منقول نہیں ہیں، اس لئے سنت کی نیت سے بالوں کی نظافت وصفائی کا خیال رکھا جائے، کنگھی اور تیل لگاتے وقت دائیں طرف سے شروع کیا جائے تو بہتر ہے، کیونکہ آپ ﷺ ہر اچھے کام میں دائیں طرف سے ابتداء کرنے کو پسند فرماتے تھے، کسی خاص کیفیت اور طریقہ کو سنت قرار دینا درست نہیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔
دلائل:
سنن ابی داؤد: (رقم الحدیث: 4163)
"وَعَنْ أَبِي هُرَيْرَةَ أَنَّ رَسُولَ اللَّهِ صَلَّى اللَّهُ عَلَيْهِ وَسَلَّمَ قَالَ: مَنْ كَانَ لَهُ شعرٌ فليُكرمه"۔
شمائل الترمذی: (باب ماجاء فی ترجل رسول اللہ صلی اللہ علیہ وسلم، رقم الحدیث: 3)
عن عائشہ قالت: ان کان رسول اللّٰه صلی اللّٰه علیہ وسلم لیحب التیمن في طھورہ إذا تطھر، وفي ترجلہ إذا ترجل، وفي انتعالہ إذا انتعل
شمائل الترمذی: (باب ماجاء فی ترجل رسول اللہ صلی اللہ علیہ وسلم، رقم الحدیث: 5)
ان النبی صلی اللہ علیہ وسلّم کان یترجل غبا۔
واللہ تعالٰی اعلم بالصواب
دارالافتاء الاخلاص،کراچی