سوال: السلام علیکم ورحمۃ اللہ ، مفتی صاحب ! نماز کے دوران اکثر لوگوں کا موبائل فون بجتا ہے اور اس کی وجہ سے نماز خراب ہوتی ہے،اس صورت میں شریعت کیا حکم دیتی ہے کہ ہم موبائل فون کو سائیلنٹ کرنے کے لئے دوران نماز کس حد تک ہاتھ کا استعمال کرسکتے ہیں؟ عرب میں تو یہ بھی دیکھا گیا ہے کہ لوگ موبائل فون جیب سے نکال کر "صلوات" کہہ کر واپس رکھ دیتے ہیں۔

جواب: واضح رہے کہ عمل قلیل کے ذریعہ اگر موبائل بند کردینا ممکن ہو تو بحالت نماز ہی بند کردینا چاہیے، مثلاً موبائل جیب میں رکھا ہوا ہے اور گھنٹی بجنے پراس کو ایک انگلی سے بٹن دبا کر بند کردیا تو یہ عمل قلیل ہے، اگر عمل کثیر کے ذریعہ گھنٹی بند کی گئی، تو نماز فاسد ہوجائے گی۔