سوال:
مفتی صاحب ! عورت کے لئے آ رٹیفشل انگوٹھی (سونا اور چاندی کے علاوہ مثلاً لوہا،تانبا وغیرہ سے بنی ہوئی) پہن کر نماز پڑھنے سے نماز پر کوئی اثر پڑتا ہے؟
جواب: آرٹیفیشل (مصنوعی) انگوٹھی پہن کر نماز پڑھنے سے نماز ہو جاتی ہے۔
واضح رہے کہ خواتین کے لئے سونے اور چاندی کی انگوٹھی کے علاوہ کسی اور دھات (لوہا، تانبا، پیتل، اسٹیل وغیرہ) کی انگوٹھی پہننا مکروہ تحریمی ہے، اس لئے خواتین کو اس کے پہننے سے اجتناب کرنا چاہیے، البتہ حضرت گنگوہی رحمہ اللہ نے مکروہ تنزیہی (خلافِ اولیٰ) قرار دیا ہے۔
اس لئے اگر کوئی خاتون سونے اور چاندی کے علاوہ اسٹیل یا اور کسی دھات کی انگوٹھی پہنے، تو اس کو نرمی سے سمجھا دیا جائے، لیکن سختی نہ کی جائے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔
دلائل:
اعلاء السنن: (294/17)
یباح للنساء من حلي الذہب والفضۃ والجواہر کل ما جرت عادتہن یلبسہ کالسوار، والخلخال، والقرط، والخاتم، وما یلبسہ علی وجوہہن وفي أعناقہن وأرجلہن وأذانہن وغیرہ۔
الھندیۃ: (کتاب الکرايهة، في استعمال الذھب و الفضة، 388/5، ط: زکریا)
ویکرہ للرجال التختم بما سوی الفضۃ والتختم بالذہب حرام في الصحیح، وفي الخجندي: التختم بالحدید، والصفر، والنحاس، والرصاص مکروہ للرجال والنساء جمیعا۔
تالیفاتِ رشیدیة: (ص: 491)
واللہ تعالٰی اعلم بالصواب
دارالافتاء الاخلاص،کراچی