سوال:
مفتی صاحب ! میرے پاس ڈرائیونگ لائیسنس نہیں ہے، اگر ٹریفک پولیس والے چالان کریں تو پانچ سو (500) کا چالان بنتا ہے، کیا اس سے کم پیسوں پر ٹریفک پولیس والوں سے (Deal) ڈیل کرنا جائز ہے؟
جواب: کاغذات مکمل نہ ہونے یا ٹریفک قوانین پر عمل نہ کرنے کی صورت میں ٹریفک قوانین کے مطابق جو چالان بنتا ہے، اس سے کم پیسوں پر ٹریفک پولیس والوں سے (Deal) ڈیل کرنا، رشوت کے زمرے میں داخل ہے، لہذا صورت مسئولہ میں رشوت دینے والا اور لینے والا دونوں حرام کے مرتکب ہونگے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔
دلائل:
سنن أبی داوٗد: (باب فی الکراھیۃ علی الرشوۃ، 148/2، ط: نعمانیۃ)
عن عبداللہ ابن عمرو قال: لعن رسول اللہ صلی اللہ علیہ وسلم علی الراشی والمرتشی.
رد المحتار: (کتاب القضاء، 362/5، ط: سعید)
و فی المصباح:الرشوۃ بالکسر: ما یعطی الشخص الحاکم وغیرہ لیحکم لہ،أو یحملہ علی ما یرید….ولا یجوز أخذ المال لیفعل الواجب.
واللہ تعالی اعلم بالصواب
دارالافتاء الاخلاص،کراچی