سوال: کیا حرام جانور کی کھال سے بننے والی بیلٹ باندھ کر نماز پڑھنا جائز ہے؟

جواب: واضح رہے کہ خنزیر کی کھال سے بنی ہوئی بیلٹ باندھنا کسی حال میں جائز نہیں ہے، البتہ خنزیر کے علاوہ اگر کسی حرام جانور کو شرعی طریقہ سے ذبح کیا گیا ہو، یا شرعی طریقہ سے ذبح تو نہیں کیا گیا، لیکن اس کی کھال کو دباغت دے دی گئی ہو تو وہ کھال پاک شمارہوگی اور اس کھال سے بنی بیلٹ باندھ کر نماز پڑھنا جائز ہوگا۔ اور اگر کسی حرام جانور کی کھال کو مذکورہ بالا دو طریقوں کے مطابق پاک نہ کیا گیا ہو تو اس جانور کی کھال کی بنی ہوئی بیلٹ کو باندھ کر نماز پڑھنا جائز نہیں ہوگا۔