عنوان: فطرانہ اور فدیہ کی مقدار(107256-No)

سوال: مفتی صاحب! رہنمائی فرمائیں کہ اس رمضان میں فطرہ اور فدیہ کے کتنی رقم ہو گی؟ جزاک اللہ

جواب: فطرانہ اور فدیہ دونوں کی مقدار تقریباً پونے دوکلو گندم بنتی ہے، اگر روپوں میں ادائیگی کرنا ہو، تو ادائیگی کے وقت پونے دو کلو گندم کی قیمت بازار سے معلوم کرلی جائے۔

واضح رہے کہ فدیہ دینے کا حکم تندرست اور صحت مند آدمی کے لئے نہیں ہے، تندرست آدمی پر روزے رکھنا ہی فرض ہے، فدیہ ایسے عمر رسیدہ شخص کے لئے ہے، جس میں روزہ رکھنے کی طاقت بالکل نہ ہو، یا عمر رسیدہ تو نہ ہو، لیکن اسے ایسا مرض لاحق ہوجائے کہ اسے اس مرض سے صحت یابی کی کوئی امید نہ ہو، ایسا شخص ہرروزہ کے بدلہ فدیہ اداکرے گا، ایسا شخص بھی اگر فدیہ دینے کے بعد تندرست ہوجائے، تو اسے روزے رکھنا ضروری ہوگا۔

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
دلائل:

کذا فی الدر المختار:

یجب نصف صاع من بر او دقیقۃ او سویقۃ او صاع تمر او شعیر ولو روئبا، ومالم ینص علیہ کذرۃ وخبز یعتبر فیہ القیمۃ،

(ج:2، ص:364، باب صدقۃ الفطر)

وایضا:

وللشیخ الفانی العاجز عن الصوم الفطر ویفدی) وجوبا ولوفی اوّل الشہر وبلا تعدد فقیر کالفطرۃ لوموسرا والافیستغفر اﷲ۔

(ج:2، ص:427، ط: سعید)

لما فی حاشیۃ الطحطاوي علی المراقي:

وہي نصف صاع من بر أو دقیقہ أو سویقہ أو صاع تمر أو زبیب أو شعیر۔

(ص:395)

واللہ تعالٰی اعلم بالصواب
دارالافتاء الاخلاص، کراچی
Print Views: 196

Find here answers of your daily concerns or questions about daily life according to Islam and Sharia. This category covers your asking about the category of Sadqa-tul-Fitr (Eid Charity)

Copyright © AlIkhalsonline 2021. All right reserved.

Managed by: Hamariweb.com / Islamuna.com