سوال:
میرا عید الفطر کے دن بچہ پیدا ہوا ہے، کیا اس کی طرف سے صدقہ فطر ادا کیا جائے گا؟
جواب: صورت مسئولہ میں اگر آپ مالدار (صاحبِ نصاب) ہیں اور آپ کا بچہ عید الفطر کے دن صبح صادق سے پہلے یا صبح صادق کے وقت پیدا ہوا ہے، تو آپ پر اس کی طرف سے صدقہ فطر ادا کرنا واجب ہے اور اگر آپ کا بچہ صبح صادق کے بعد پیدا ہوا ہے، تو آپ پر اس کی طرف سے صدقہ فطر ادا کرنا واجب نہیں ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔
دلائل:
الفتاوی الھندیۃ: (192/1، ط: دار الفکر)
ووقت الوجوب بعد طلوع الفجر الثاني من يوم الفطر۔۔۔۔۔ومن ولد أو أسلم قبله وجبت ومن ولد أو أسلم بعده لم تجب۔۔الخ
واللہ تعالٰی اعلم بالصواب
دارالافتاء الاخلاص،کراچی