سوال: ہماری مسجد میں گرمیوں کے زمانہ میں قالین اٹھا لیے جاتے ہیں اور ہم زمین پر سجدہ کرتے ہیں، تو ہماری پیشانی پر مٹی لگ جاتی ہے، کیا ہم نماز کی حالت میں پیشانی پر لگی مٹی جھاڑ سکتے ہیں؟

جواب: واضح رہے کہ کسی شخص کی پیشانی پر نماز کی حالت میں مٹی لگ جائے اور اس مٹی کو نہ جھاڑنے کی صورت میں اگر کوئی حرج نہ ہو اور نماز سے توجہ نہ ہٹتی ہو، تو اس مٹی کو نماز کی حالت میں پیشانی سے جھاڑنا مکروہ ہے، اور اگر ان دونوں صورتوں میں سے کوئی صورت پائی جاتی ہو، تو پھر جھاڑنا مکروہ نہیں ہے۔