سوال: ہم جس جگہ رہتے ہیں، وہاں بہت سے فلیٹ ہیں، اور ان کے قریب کوئی مسجد نہیں ہے، بلکہ کافی فاصلہ پر ایک مسجد ہے، تو کیا ہم فلیٹ والے کسی فلیٹ میں پانچوں وقت کی نماز اور تراویح با جماعت پڑھ سکتے ہیں یا نہیں؟

جواب: نماز صحیح ہونے کے لئے مسجد ہونا شرط نہیں ہے، بلکہ زمین کے کسی حصہ میں بھی نماز پڑھی جاسکتی ہے، لہذا صورتِ مسئولہ میں آپ لوگوں کے لئے فلیٹ میں جماعت سے پانچوں وقت کی نماز اور تراویح پڑھنا جائز ہے، البتہ مسجد میں نماز پڑھنے کا ثواب زیادہ ہے اور مذکورہ صورت میں آپ لوگ اس ثواب سے محروم رہیں گے۔