سوال:
نماز کے تشہد میں شہادت کی انگلی اٹھانے کے بعد ہلاتے رہنے کا کیا حکم ہے؟
جواب: واضح رہے کہ نماز میں سکون اور وقار مطلوب ہے اور چونکہ نماز کے تشہد میں شہادت کی انگلی اٹھانے کے بعد مستقل ہلاتے رہنا، یہ سکون اور وقار کے خلاف ہے، اس لئے نماز میں یہ عمل مکروہ کہلائے گا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔
دلائل:
سنن أبی داؤد: (باب الإشارة في التشهد، 260/1، ط: المكتبة العصرية)
عن عبداﷲ بن الزبیر انہ ذکر ان النبی ﷺ کان یشیر باصبعہ اذا دعا ولایحرکھا۔
اعلاء السنن: (112/3)
قال الطحطاوی فی حاشیتہ علی مراقی الفلاح: قولہ، وتسن الاشارۃ، أی من غیرتحریک فانہ مکروہ عندنا۔
واللہ تعالٰی اعلم بالصواب
دارالافتاء الاخلاص،کراچی