سوال: مفتی صاحب! ایک شخص نے جان بوجھ کر بلا کسی عذر کے روزے نہیں رکھے ہیں، اب وہ کفارہ دینا چاہ رہا ہے، کیونکہ جب اس نے ایک مہینے کے روزے نہیں رکھے ہیں تو دو مہینوں کے روزے کیسے رکھے گا، براہ کرم آپ بتادیں کہ اس کا کیا کفارہ بنے گا؟

جواب: واضح رہے کہ رمضان کے مہینے میں بلا کسی شرعی عذر کے روزہ نہ رکھنا گناہِ کبیرہ ہے، لہذا ایسے شخص کو چاہیے کہ اپنے اس گناہ پر توبہ و استغفار کرتے ہوئے جتنی جلدی ہوسکے، ان روزوں کی قضاء کرے، البتہ اس جان بوجھ کر چھوڑے ہوئے روزوں کی صرف قضا لازم ہے، کفارہ لازم نہیں ہے۔