سوال: السلام علیکم، ہم بچپن سے بڑوں سے سنتے آئے ہیں کہ عصر اور مغرب کے درمیان اور مغرب و عشاء کے درمیان سونے سے گھر میں نحوست ہوتی ہے، اس کی کیا وجہ ہے؟ احادیث کے حوالے سے روشنی ڈالیں۔

جواب: نماز عصر کے بعد سے مغرب تک بلا عذر کے سونا مکروہ ہے، ایک ضعیف حدیث میں آتا ہے کہ عصر کے بعد سونے سے عقل زائل ہو جاتی ہے۔ باقی عصر سے مغرب یا مغرب سے عشاء تک سونے میں نحوست کا ذکر اگر کسی حدیث میں آیا ہے تو براہ مہربانی اس کا حوالہ بھیجیں، اس کی تحقیق کرکے اس کا حکم بتلادیا جائے گا۔