سوال: "عریشہ" نام رکھنا کیسا ہے؟ اور اس کے معنی بھی بتادیں۔

جواب: لفظ "عریشہ" کا معنی ہے پالکی، کجاوہ وغیرہ، اس معنی کے اعتبار سے مذکورہ نام رکھنا اگرچہ جائز ہے، لیکن مناسب نہیں ہے۔
حضرت ابو ھریرہ رضی اللّٰہ عنہ سے مروی ہے کہ آنحضرت صلی اللّٰہ علیہ وسلم نے ارشاد فرمایا: "بچے کا اس کے والد پر یہ حق ہے کہ اس کا اچھا نام رکھے اور اس کی اچھی تربیت کرے"۔
(مسند البزار: حدیث نمبر: 8540)
لہذا بچی کا نام اچھا رکھنا چاہیے اور اس کے لیے سب سے بہتر طریقہ یہ ہے کہ أمہات المؤمنین یا صحابیات رضی اللہ عنہن کے بابرکت ناموں میں سے کسی نام پر بچی کا رکھا جائے، تاکہ بچی کا نام بھی اچھا ہو اور جس بابرکت شخصیت کی نسبت سے وہ نام رکھا گیا ہے، نیک فالی کے طور پر اس مبارک شخصیت کا اثر اس بچی پر بھی ظاہر ہو۔