سوال:
مفتی صاحب ! کیا لڑکے کا نام "عرشمان" رکھنا صحیح ہے؟
جواب: عرشمان نام دو لفظوں کا مجموعہ ہے، عرش عربی زبان کا لفظ ہے، جس کے معنی شاہی تخت، چھت، رئیس، سردار، ایسا مکان جس میں سایہ لیا جائے وغیرہ کے آتے ہیں۔
مان کے بھی مختلف معانی ہیں، جیسے: گھمنڈ، غرور، تکبر، آؤ بھگت، منزلت وغیرہ۔
لہذا عرشمان نام رکھنا اچھا نہیں ہے، کیونکہ عرشمان نام میں "غرور و تکبر کی بلندیوں کو پہنچا ہوا" کے معنی کا احتمال بھی موجود ہے، لہذا بہتر یہ ہے کہ اس نام کے بجائے کسی نبی، صحابی اور ولی کے نام پر بچے کا نام رکھا جائے، تاکہ اس برگزیدہ ہستی کی نسبت اور ان کے نام کی برکت حاصل ہوجائے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔
دلائل:
الصحاح تاج اللغۃ: (المادۃ: عرش، 1009/3، ط: دار العلم الملایین)
العَرْشُ: سريرُ الملك. وعَرْشُ البيت: سقفه.وقولهم ثل عرشه، أي وهى أمره وذهب عِزُّهُ. قال زهير: تَداركْتُما عَبْساً وقد ثُلَّ عَرْشُها وذُبْيانَ إذ زَلَّتْ بأقدامِها النَعْلُ والعَرْشُ والعَريشُ: ما يستظل به. وعَرْشُ القدم: ما نتأ في ظهرها وفيه الاصابع. وعَرْشُ السِماك: أربعةُ كواكبَ صغارٍ أسفلَ من العَوَّاءِ، يقال إنَّها عَجُزُ الأسد.
فیروز اللغات: (مادہ: مان، 1187، ط: دار الفکر)
مان : گھمنڈ، غرور، تکبر، نخوت، کبر 2) عزت، قدر، منزلت 3) خاطر تواضع، آؤ بھگت
واللہ تعالٰی اعلم بالصواب
دارالافتاء الاخلاص،کراچی