سوال: حرمین شریفین کے باہر جو لوگ بغیر اتصال کے جماعت کے لیے کھڑے ہوجاتے ہیں، ان کی جماعت ہو جاتی ہے یا نہیں؟ اگر جماعت نہیں ہوئی، تو نماز ہوجائیگی یا نماز ہی دہرانی ہوگی؟

جواب: واضح رہے کہ مسجد حرام کی حدود کے اندر دو صفوں کے برابر یا اس سے زیادہ فاصلہ بھی ہو، تب بھی نماز ہوجائے گی، البتہ بغیر عذر کے اتنا فاصلہ چھوڑنا مکروہ ہے۔
مسجد حرام کی حدود سے باہر صحن یا راستہ میں نماز کے صحیح ہونے کے لیے صفوں کا متصل ہونا ضروری ہے، صفوں کے اتصال کے بغیر امام کی اقتداء صحیح نہیں ہوگی۔
اتصال سے مراد یہ ہے کہ صفوف کے درمیان دو صفوں کے برابر یا اس سے زیادہ فاصلہ نہ ہو، البتہ اگر دیوار حائل ہو اور امام کے انتقالات (ایک رکن سے دوسرے رکن کی طرف منتقل ہونے) سے مقتدی باخبر رہیں تو ان مقتدیوں کی نماز درست ہے۔