سوال:
مفتی صاحب !کل اتفاقا ایک مسجد میں نماز پڑھنی پڑھ گئی، وہاں امام کی عمر پندرہ سال تھی، کیا پندرہ سال کی عمر کے لڑکے کے پیچھے فرض نماز ہوجاتی ہے؟
جواب: پندرہ سال کی عمر میں لڑکا شرعی طور پر بالغ شمار ہوتا ہے٬ اگرچہ اس میں بلوغ کی کوئی علامت ظاہر نہ ہوئی ہو٬ لہذا سوال میں ذکر کردہ صورت میں لڑکا شرعا بالغ ہے٬ اس لئے اس کے پیچھے فرض نماز پڑھنا درست ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔
دلائل:
الفتاویٰ الہندیۃ: (61/5، ط: دار الفکر)
"بلوغ الغلام بالاحتلام أو الاحبال او الانزال والجاریۃ بالاحتلام او الحیض او الحبل کذا فی المختار: والسن الذی یحکم ببلوغ الغلام والجاریۃ اذا انتھیا الیہ خمس عشرۃ سنۃ عند ابی یوسف ومحمد رحمہما اللّٰہ تعالیٰ وھو روایۃ عن ابی حنیفۃؒ وعلیہ الفتویٰ "
واللہ تعالٰی اعلم بالصواب
دارالافتاء الاخلاص،کراچی