سوال: امام کا محراب میں کھڑا ہونا مکروہ ہے، اس سے کیا مراد ہے، وضاحت فرمادیں

جواب: "امام کا محراب میں کھڑے ہوکر نماز پڑھانا مکروہ ہے" اس جملے کا مطلب یہ ہے کہ جماعت کے دوران امام کے مکمل پاؤں محراب کے اندر ہوں، ایسا کرنا مکروہ ہے۔ وجہ اس کی یہ ہے کہ مسجد کا محراب اگرچہ مسجد کا حصہ ہے، لیکن مسجد سے الگ جگہ کی طرح ہے، لہذا اس مشابہت سے بچنا ضروری ہے، امام اور مقتدی کی نماز کی جگہ ایک ہونی چاہیے، البتہ اگر سجدہ محراب کے اندر ہو اور امام کے پاؤں محراب سے باہر مسجد میں ہوں، تو پھر مکروہ نہیں ہے ۔