سوال: مفتی صاحب ! کیا قادیانی سے کچھ چیز لے کر کھانا جائز ہے؟

جواب: واضح رہے کہ دینِ اسلام کے بنیادی عقائد میں سے اہم ترین عقیدہ "عقیدہ ختمِ نبوت" ہے، جس پر ساری دنیا کے مسلمان متفق ہیں، جب کہ قادیانی نہ صرف یہ کہ اس عقیدہ کے منکر ہیں، بلکہ ختمِ نبوت کے مقابلہ میں مرزا قادیانی کو پیغمبر تسلیم کرتے ہیں، اس لیے شرعی لحاظ سے قادیانی مرتد اور زندیق ہیں، اور ملکی آئین کی رو سے بھی یہ گروہ غیر مسلم ہے، ان کے ساتھ کسی قسم کا تعلق، کھانا، پینا، میل جول رکھنا ناجائز ہے۔
چونکہ ان سے کھانے پینے کی چیزیں لینا بھی ان کے ساتھ ایک قسم کا معاشرتی تعلق ہے، جبکہ ان کے ساتھ کسی قسم کے معاشرتی تعلق (نکاح، دوستی، کاروبار، خرید و فروخت، میل جول وغیرہ) کو منع کیا گیا ہے، اس لئے ان سے کھانے پینے کی چیزیں نہ لی جائیں، اور اگر کوئی چیز لے لی ہو، تو وہ انہیں واپس کردی جائے، یا کسی غریب کو دے دی جائے۔