سوال: حضرت ! فجر کی فرض شروع ہو گئے اور سنت نہیں پڑھی، سنت پڑھنا شروع ہوئے تو نماز کے بعد ایک غیر مقلد صاحب نے بتایا کہ یہ نہ حضور سے ثابت ہے نہ صحابہ سے، رہنمائی فرما دیجئے سنت کو مقدم رکھیں یا فرض کو؟ اگرچہ امام صاحب نے ابھی نماز شروع کی ہے اور پہلی رَکْعَت ہی میں شامل ہو سکتے ہیں .

جواب: اگر کوئی شخص فجر کی نماز کے لیے مسجد آئے اور جماعت شروع ہوگئی ہو تو اگر اسے امید ہو کہ وہ سنتیں پڑھ کر امام کے ساتھ قعدہ اخیرہ میں شامل ہوجائے گا تو اسے چاہیے کہ (کسی ستون کے پیچھے یا برآمدے یا صحن میں یا جماعت کی صفوں سے ہٹ کر)  فجر کی سنتیں ادا کرے اور پھر امام کے ساتھ قعدہ میں شامل ہوجائے اور اگر سنتیں پڑھنے کی صورت میں نماز مکمل طور پر نکلنے کا اندیشہ ہو تو سنتیں چھوڑ دے اور فرض نماز میں شامل ہوجائے۔