سوال: السلام علیکم، مفتی صاحب! ایک مسئلہ پوچھنا تھا کہ آج مغرب کی نماز میں امام صاحب نے سورۃ مطففین کی تلاوت کی، اور اس آیت میں "اِذَا تُتۡلٰی عَلَیۡہِ اٰیٰتُنَا قَالَ اَسَاطِیۡرُ الۡاَوَّلِیۡنَ" "اساطیر" پڑھنا بھول گئے، اور آگے کی آیت مکمل کردی، تو اس سے نماز پر کوئی اثر تو نہیں پڑے گا؟ کیا ہماری نماز صحیح تھی؟ براہ کرم رہنمائی فرمادیں۔

جواب: سوال میں ذکر کردہ صورت میں لفظ "اساطیر" کے چھوٹنے سے چونکہ معنی اس قدر تبدیل نہیں ہوا، جس سے معنی میں فساد آجائے، لہذا اس سے نماز فاسد نہیں ہوگی۔