سوال: السلام علیکم، مفتی صاحب! میری ایک عزیزہ کے شوہر نے اپنے آفس کی لڑکی سے دوسری شادی کرلی ہے، اس سے پہلے وہ اس آفس کی لڑکی سے کچھ سال واٹس ایپ پر روز بات کرتا رہا، تقریباً پانچ سال تک روز رات کو تین ساڑھے تین بجے تک، اب سوال یہ ہے کہ شادی سے پہلے جو یہ فون پر دوستی رہی، اس میں صرف وہ آدمی اپنی بیوی کا قصور وار ہے یا وہ لڑکی بھی قصوروار ہے، جو ایک شادی شدہ مرد سے رات رات بھر فون پر گفتگو کرتی رہی، یہ جانتے ہوئے بھی کہ وہ کسی کا شوہر ہے؟ رہنمائی فرمادیں۔

جواب: بغیر نکاح کے کسی لڑکے اور لڑکی کا آپس میں ناجائز رابطے قائم کرنا اور تعلقات بڑھانا حرام اور ناجائز ہے، لڑکی اور لڑکا دونوں کے لیے یہ گناہ کا کام ہے، اور اگر کوئی شادی شدہ ہو، تو اس کے لیے یہ اور زیادہ سخت گناہ ہے، اس لیے اس عمل سے سچے دل سے توبہ اور استغفار کرنا لازم ہے۔