سوال:
السلام علیکم، مفتی صاحب! بچے کا نام محمد حارث الرحمان رکھنا کیسا ہے؟ کچھ لوگ کہتے ہیں کہ حارث نام رکھنا مناسب نہیں، اس میں کتنی حقیقت ہے؟ وضاحت فرمادیں۔
جواب: واضح رہے کہ "محمد حارث" نام رکھنا صحیح ہے، اس کے معانی "کھیتی کرنے والا، محنت اور کمائی کرنے والا" کے آتے ہیں۔
لیکن "حارث الرحمن" (Haarish ur Rahmaan/Haarith ur Rahmaan)نام رکھنا درست نہیں ہے، کیونکہ حارث الرحمن کا معنی ہے "رحمن (یعنی اللہ) کے لیے کھیتی باڑی کرنے والا، یا ہل چلانے والا"، اس نام میں اللہ سبحانہ وتعالیٰ کی طرف بالواسطہ کھیتی باڑی کے احتیاج کی نسبت ہوتی ہے، اور کھیتی باڑی کی نسبت اللہ تعالیٰ کی طرف کرنا ایک عیب ہے، جبکہ اللہ سبحانہ و تعالی ہر قسم کے عیب سے پاک ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔
دلائل:
سنن أبي داؤد: (رقم الحديث: 4950، ط: المكتبة العصرية)
وعن أبي وهب الحشمي قال: قال رسول الله صلی الله علیہ وسلم: تسموا بأسماء الأنبیاء وأحب الأسماء إلي الله عبدالله وعبد الرحمن وأصدقها حارث وأقبحها حرب ومرة.
جامع الدروس العربية: (158/3، ط: قدیمی کتب خانہ)
الإضافة نسبة بين اسمين علي تقدير حرف الجر، توجب حر الثاني أبداً، نحو: هذا كتاب التلميذ. والتقدير: كتاب للتلميذ.
الاضافة أربعة أنواع: لامية.... فاللامية: ما كانت علي تقدير اللام. وتفيد الملك والاختصاص.
مصباح اللغات: (مادة: حرث، ص: 145)
حرث (ن ض) حرثا: الارض: ہل چلانا، کھیتی کرنا۔
واللہ تعالٰی اعلم بالصواب
دارالافتاء الاخلاص،کراچی