سوال: السلام علیکم، مفتی صاحب! میں نے اپنے بیٹے کا نام حنظلہ رکھا ہے، کچھ لوگ بول رہے ہیں کہ یہ نام لڑکیوں کا ہوتا ہے، لیکن اس نام کے تو ایک صحابی بھی تھے، کیا ان کی بات درست ہے؟ نیز اس نام کے معنی بھی بتادیں۔ جزاک اللہ خیراً

جواب: "حنظلہ" (حاء زبر، نون ساکن، ظاء اور لام زبر)ایک جلیل القدر صحابی کا نام ہے۔
حنظلہ "حنظل" سے نکلا ہے، یہ ایک نارنگی نما کڑوے پھل کو کہتے ہیں۔
واضح رہے کہ انبیاء علیھم السلام اور صحابہ کرام رضوان اللہ علیھم اجمعین کے ناموں میں نام کے معنی نہیں دیکھے جاتے، بلکہ ان کی پاک ہستیوں کے پیشِ نظر ان کے نام رکھے جاتے ہیں، نیز اگر یہ نام رکھنا مناسب نہیں ہوتا، تو حضور اکرم صلی اللہ علیہ وسلم اسے تبدیل یا منع فرما دیتے، جیسا کہ بعض صحابہ کرام کا آپ صلی اللہ علیہ وسلم نے نام تبدیل فرمایا ہے۔