سوال:
عرض یہ ہے کہ ظہر کی نماز میں امام صاحب رکوع میں جانے والے ہوں اور نمازی جلدی میں غلطی سے ظہر کی جگہ عصر کی نیت کرلے تو کیا یہ نماز ہوجاتی ہے؟
جواب: پوچھی گئی صورت میں اگر نمازی نےصرف زبان سے ظہر کے بجائے لفظِ عصر ادا کیا ہو، لیکن دل میں نیت ظہر کی نماز پڑھنے کی تھی تو ایسی صورت میں ظہر کی نماز ہوگئی ہے ، البتہ اگر اس نے نیت ہی عصر کی نماز کی کی ہو تو ظہر کی نماز ادا نہیں ہوئی ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔
دلائل:
الدر المختار: (415/1، ط: دار الفکر)
(والمعتبر فيها عمل القلب اللازم للإرادة) فلا عبرة للذكر باللسان إن خالف القلب لأنه كلام لا نية إلا إذا عجز عن إحضاره لهموم أصابته فيكفيه اللسان مجتبى (وهو) أي عمل القلب (أن يعلم) عند الإرادة (بداهة) بلا تأمل (أي صلاة يصلي) فلو لم يعلم إلا بتأمل لم يجز.
الھندیۃ: (66/1، ط: دار الفکر)
عزم على الظهر وجرى على لسانه العصر يجزيه كذا في شرح مقدمة أبي الليث وهكذا في القنية.
واللہ تعالٰی اعلم بالصواب
دارالافتاء الاخلاص،کراچی