سوال:
داڑھی میں کنگھی اور وضو کر تے وقت داڑھی کے بال گرتے ہیں اور ہاتھ میں بھی آجاتے ہیں، کیا ان کو گِرنے دیا جائے؟
جواب: واضح رہے کہ داڑھی سے گرنے والے بالوں کو کسی پاک جگہ دفن کردینا چاہیے، کیونکہ بال انسان کے جسم کا حصہ ہیں اور انسانی اعضاء قابل احترام ہیں، البتہ اگر بال دفن کیے بغیر بھی کسی پاک جگہ ڈال دیے جائیں، تو اس میں بھی کوئی حرج نہیں ہے، لیکن گندگی اور ناپاکی کی جگہ میں قصدا ڈالنا مکروہ اور ناپسندیدہ عمل ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔
دلائل:
الفتاوي الهندية: (كتاب الكراهية، 358/5، ط: دار الفکر)
فاذا قلم أظفاره أو جز شعره ينبغي أن يدفن ذلك الظفر والشعر المجزوز فإن رمى به فلا بأس به وإن ألقاه في الكنيف أو في المغتسل يكره ذلك لأن ذلك يورث داء كذا في فتاوي قاضي خان.
واللہ تعالٰی اعلم بالصواب
دارالافتاء الاخلاص،کراچی