سوال: ایک شخص کی بیوی کا انتقال ہوگیا ہے، وہ محکمہ صحت میں لیڈی ہیلتھ ورکر تھی، فوت ہونے کے ایک سال بعد تمام لیڈی ہیلتھ ورکرز مستقل ہوگئیں اور تمام کی سابقہ سروس پندرہ سال تھی تو کیا اب ہم اس کی پینشن لے سکتے ہیں؟ اس کی تین بچیاں اور شوہر ہے، اس پینشن کا اصل حقدار کون ہے؟

جواب: واضح رہے کہ پینشن (Pension) کی رقم متعلقہ ادارے کی طرف سے عطیہ ہوتی ہے، اس لئے پینشن کی رقم ادارہ جس کے نام پر جاری کرے، وہی اس کا مالک ہوتا ہے، اس میں میراث کے احکام جاری نہیں ہوتے۔
لہذا اگر قانونی طور پر آپ کو مرحومہ کی طرف سے پینشن لینے کا استحقاق حاصل ہے تو آپ اسے لے سکتے ہیں، لہذا ادارہ پینشن جس کے نام پر جاری کرے گا، اصلا وہی اس کا مالک ہوگا، بعد میں پھر وہ چاہے تو اپنی خوشی و مرضی سے باقی ورثاء کو بھی اس میں سے حصہ دے سکتا ہے۔